Trump: Nuk mendoj se Ukraina mund të fitojë luftën kundër Rusisë

Presidenti i SHBA-së, Donald Trump, tha të hënën se nuk mendon se Ukraina mund ta fitojë luftën kundër Rusisë, por shtoi se “çdo gjë është e mundur”.

“Ata ende mund ta fitojnë atë,” tha Trump në Shtëpinë e Bardhë të hënën.

“Nuk mendoj se do ta fitojnë. Ata prapë mund ta fitojnë. Unë kurrë nuk thashë se do ta fitonin… e dini, lufta është një gjë shumë e çuditshme.”

Të premten, Trump u bëri thirrje Kievit dhe Moskës të ngrijnë linjat e betejës dhe “të ndalojnë aty ku janë” në një përpjekje për t’i dhënë fund luftës së vazhdueshme gjithëpërfshirëse të Rusisë, pas një takimi të gjatë në Uashington me Presidentin e Ukrainës, Volodymyr Zelenskyy.

Pas takimit me Zelenskyy në Nju Jork, në kuadër të Asamblesë së Përgjithshme vjetore të OKB-së muajin e kaluar, Trump madje tha se besonte se ukrainasit mund të rifitonin të gjithë territorin që kishin humbur ndaj Rusisë që kur Putini nisi pushtimin në shkallë të plotë në vitin 2022.