Arrestohet 42-vjeçari në Kurbin me armë dhe kokainë në hotel

Një 42-vjeçar është arrestuar në Mamurras, pasi u kap në posedim të një arme zjarri pa leje dhe një sasie lënde narkotike të dyshuar si kokainë.

Operacioni policor i koduar “Alias”, i zhvilluar nga shërbimet e Komisariatit të Policisë Kurbin në kuadër të kontrolleve për rritjen e sigurisë publike, çoi në prangosjen në flagrancë të shtetasit A. K., alias A. Ll., banues në Mamurras.

Gjatë kontrollit në ambientet e hotelit ku ai qëndronte, policia gjeti një pistoletë me krehër dhe fishekë. Ndërkohë, gjatë kontrollit fizik, 42-vjeçarit iu zbulua edhe një sasi lënde narkotike e dyshuar si kokainë.

Materialet procedurale iu referuan Prokurorisë së Lezhës, për veprime të mëtejshme.