Arrestohet autori i disa vjedhjeve në Kavajë, në banesë i gjejnë dhe lëndë narkotike

33-vjeçari Klisman Harumi është arrestuar në Kavajë pasi dyshohet të jetë autori i disa vjedhjeve në rrethin e Kavajës.

Nga hetimet e kryera, sipas policisë, ka rezultuar se gjatë periudhës gusht 2024-shkurt 2025, ka vjedhur pajisje dhe sende në 3 banesa në Kavajë dhe në fshatin Synej.

Gjatë kontrollit në banesën e 33 vjeçarit janë sekuestruar disa sende të vjedhura, një sasi Cannabisi dhe veshje të përdoruara nga autori, gjatë vjedhjeve.

Policia njofton se vijojnë hetimet për të zbardhur vjedhje të tjera që mund të ketë kryer ai, ndërsa materialet procedurale iu referuan Prokurorisë së Durrësit, për veprime të mëtejshme.

LEXONI GJITHASHTU:

• Izraeli urdhëron dëbimin e palestinezëve nga veriu i Gazës: Largohuni menjëherë
• OBSH: Uria në Gaza ka arritur nivele ekstreme, njerëzit po vdesin