Arrestohet efektivi i policisë në Tiranë, dyshohet për shpërndarje kokaine

AMP-ja në Tiranë ka vendosur në pranga në flagrancë punonjësin e policisë M. L., me detyrë Trupë Shërbimi në Bllokun e Sigurisë pranë DVP Tiranë. Ai dyshohet për përfshirje në disa vepra penale, përfshirë “Shpërdorim i detyrës”, “Prodhimi dhe shitja e narkotikëve” dhe “Moskallëzim i krimit”.

Sipas njoftimit zyrtar, arrestimi u bë i mundur pas informacioneve konfidenciale që dispononte Drejtoria Rajonale e AMP-së Tiranë, sipas të cilave efektivi do të realizonte një takim për blerjen e disa dozave të lëndës narkotike të dyshuar si kokainë, me qëllim shpërndarjen e tyre brenda ambienteve të sigurisë, aty ku ushtronte funksionin e tij.

Gjatë kontrollit fizik, policisë i është gjetur një dozë kokaine me peshë 0.4 gram si dhe një shumë prej 70 eurosh, të cilat janë sekuestruar në cilësinë e provës materiale.

Materialet hetimore janë referuar pranë Prokurorisë së Gjykatës së Shkallës së Parë të Juridiksionit të Përgjithshëm Tiranë, ndërsa hetimet për rastin vijojnë.

LEXONI GJITHASHTU:

• Finalja e parakohshme në Champions League, Barcelona përballë gjigandëve francezë
• Mbrëmje magjike në Champions, spektakël e gola pa fund dhe krisje angleze