Arrestohet i riu në Kurbin, 22-vjeçari ishte në kërkim për armëmbajtje pa leje

Policia e Shtetit ka arrestuar në Kurbin një 22-vjeçar të shpallur në kërkim, i cili në muajin dhjetor 2024 u konstatua duke qarkulluar me një automjet ku mbante armë zjarri, të cilat dyshohet se do t’i përdorte për qëllime kriminale.

Kur pa shërbimet e Policisë, ai braktisi automjetin, ku gjatë kontrollit u gjetën një armë zjarri – pushkë me fishekë – si dhe një sasi fishekësh pistolete.

Policia njofton se në kuadër të operacionit të koduar “Parandalimi”, shërbimet e Komisariatit të Policisë Kurbin lokalizuan dhe vunë në pranga shtetasin A.K., 22 vjeç, banues në Mamurras.

Ai ishte shpallur në kërkim nga Gjykata e Lezhës, e cila i kishte caktuar masën e sigurisë “Arrest në burg”, pas hetimeve të zhvilluara gjatë operacionit.

Njoftimi i policisë