Arrestohet kryebashkiaku i Bulqizës

SPAK ka njoftuar arrestimin e kryebashkiakut të Bulqizës, Lefter Alla.

Në njoftimin zyrtar të Prokurorisë së Posaçme, bëhet me dije se kryebashkiaku dhe 13 funksionarë të tjerë të bashkisë janë marrë nën hetim për shkelje të barazisë në tendera.

Kryebashkiaku së bashku me 11 zyrtarët e tjerë janë lënë në burg, ndërkohë që 2 persona të tjerë janë lënë në “Arrest në Shtëpi”3.

Bëhet me dije se arrestimet lidhen me abuzimin në tenderin e ujësjellësit me vlerë afro 3 milionë euro.

Njoftim i SPAK:

Nga hetimi ka rezultuar se për shtetasin nën hetim L. A. me detyrë Kryetar Bashkie me funksionin e tij si i zgjedhur vendor për të administruar konform ligjit Njësinë vendore Bashkinë Bulqizë evidentohet qartësisht sjellja e tij duke dokumentuar disa fakte penale si shkeljet gjatë procedurës së prokurimin publik me proçedurë të hapur në datë 30.04.2021, operatorëve ekonomikë “Egland Sh.p.k” dhe “BE-IS” Sh.p.k, me objekt “Ndërtimi rrjetit furnizimit dhe rrjetit shpërndarës Ujësjellësi dhe ndërtimi i rrjetit të KUZ , Lagja e vjetër, qyteti Bulqizë, Bashkia Bulqizë”, me vlerë të tenderit në shumën 322.439.000 lekë të reja, me afat kohor 10 mujor. Ky shtetas nën hetim në bashkëpunim me nënkryetaren e Bashkisë, dhe punonjësit e tjerë, si specialiste e prokurorimeve, anëtarët e KVO, kanë bërë të mundur që këtë tender ta fitonte me dokumentacion BOE Egland shpk dhe BE-IS shpk, duke krijuar avantazhe për këtë subjekt gjatë procedurës së prokurimit.

LEXONI GJITHASHTU:

• EMRI| Kush është prokurori i ri që i shtohet SPAK
• “O ba si nuk më prite?”- Ndërron jetë i ati i ish-ministrit Saimir Tahiri