Arrestohet në flagrancë 41-vjeçari, i gjendet në banesë 1.7 kg kanabis

Një 41-vjeçar është arrestuar në flagrancë, pasi në banesën e tij në fshatin Varibob të Fierit u gjet 1 sasi prej 1.7 kg lëndë narkotike kanabis sativa.

Në afërsi të banesës së këtij shtetasi, policia gjeti dhe asgjësoi nëpërmjet djegies, 17 bimë narkotike.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme, për veprat penale “Kultivimi i bimëve narkotike” dhe “Prodhimi dhe shitja e narkotikëve”.

“Shërbimet e Komisariatit të Policisë Fier, të mbështetura në informacionet e siguruara nga inteligjenca informative, se një shtetas merrej njëkohësisht me disa veprimtari kriminale, në fushën e narkotikëve, kanë finalizuar operacionin policor të koduar “Paralel”, në kuadër të të cilit u kap në flagrancë dhe u vu në pranga shtetasi K. Y., 41 vjeç, banues në fshatin Varibob.

Si rezultat i kontrolleve të imtësishme, Policia gjeti në banesën e këtij shtetasi, 1.7 kg lëndë të dyshuar narkotike cannabis sativa, si dhe në afërsi të kësaj banese, 17 bimë të dyshuara narkotike cannabis sativa. Në vijim të veprimeve procedurale për këtë rast, u sekuestrua lënda narkotike dhe u asgjësuan nëpërmjet djegies, bimët narkotike”, njofton policia.

LEXONI GJITHASHTU:

• EMRAT| Këta janë të arrestuarit nga megaoperacioni ku u kapën 10 mijë doza ekstazi
• FOTO| Sekuestrimi i 10 mijë dozave ekstazi në Tiranë, pilulat me logo Louis Vuitton