FOTO| Sekuestrimi i 10 mijë dozave ekstazi në Tiranë, pilulat me logo Louis Vuitton

Euronews Albania ka siguruar foton e dozave të ekstazisë të sekuestruara mbrëmjen e djeshme në një megaoperacion të zhvilluar në Tiranë.

Siç shihet dhe nga fotoja e mësipërme, dozat e drogës sintetike janë me ngjyrë kafe dhe kanë logon e markës së luksit, Louis Vuitton.

Megaoperacioni antidrogë është zhvilluar në orët e vona të mbrëmjes së të hënës dhe u sekuestruan në total 10 mijë doza ekstazi.

Burime bëjnë me dije se pilulat e drogës ishin futur në territorin shqiptar nga Kosova.

Gjatë aksionit janë arrestuar 5 persona, ndërkohë që në vijim priten të jepen detaje shtesë nga policia.

Mes të arrestuarve është dhe një vajzë 28-vjeçare.

Bëhet fjalë për:

• Mithat Ramadani
• Besnik Mujeci
• Kalem Picari
• Ambra Myftari
• Daniel Avdija

Nëse droga do të dilte në treg ajo do të kapte vlerën e qindra mijëra eurove.

LEXONI GJITHASHTU:

• Megaoperacion anti-drogë në Tiranë, sekuestrohen 10 mijë doza ekstazi
• Foto| Vrasja me plumb në kokë e shqiptarit në Greqi, autori shok i viktimës