Arrestohet në Itali 36-vjeçari shqiptar, i dyshuar për trafik droge

Një shtetas shqiptar 36-vjeç është arrestuar nga autoritetet italiane, nën akuzat për përfshirje në një rrjet trafiku droge, sulm ndaj një zyrtari publik dhe shkelje të urdhrit për ndalim hyrjeje në territorin italian.

Sipas mediave italiane, arrestimi ka ndodhur disa ditë më parë gjatë një patrullimi të zakonshëm në zonën e San Sistos. I dyshuari po udhëtonte me automjet kur u ndalua për kontroll. Në përpjekje për t’i shmangur policisë, ai tentoi të largohej me shpejtësi, por u kap pas një ndjekjeje të shkurtër.

Gjatë arrestimit, 36-vjeçari kundërshtoi dhe sulmoi fizikisht oficerët e policisë. Pas kontrollit të automjetit, brenda një zgavre të fshehtë në ndarjen e pasagjerëve, u gjetën 12 pako me kokainë, me një peshë totale prej 8.4 gramësh.

Autori ndodhet në paraburgim ndërsa vijojnë hetimet për të zbardhur nëse ai është pjesë e një rrjeti më të gjerë të trafikut të lëndëve narkotike.

 LEXONI GJITHASHTU: 

• SPAK çon në gjyq dosjen ndaj Albert Zajës dhe disa të tjerëve për tentativë vrasje
• Ilir Meta thirret të hënën në SPAK, pritet t’i komunikohet mbyllja e hetimeve