Arrestohet në Romë ish-kryeprokurori Adriatik Llalla

Ish-Prokurori i Përgjithshëm Adriatik Llalla është arrestuar ditën e sotme në Romë të Italisë.

Arrestimi i ish-kryeprokurorit erdhi me një urdhër të Interpol Tiranës, pas Gjykata e Posaçme e Apelit e dënoi atë me dy vite burg. Pritet që Gjykata e Romës të marrë vendimin për ekstradimin e tij drejt Shqipërisë, ku ish-kryeprokurori do të kryejë dënimin e formës së prerë.

Burime për Euronews Albania bëjnë me dije se Llalla ka kerkuar azil politik në Romë.

Llalla është shpallur fajtor për mosdeklarimin dhe për fshehje të pasurisë për ndërtimin e një kati në një banese në Rrugën e Elbasanit, si dhe për fshehje dhe mosdeklarim të vlerave monetare të shkollimit të vajzës së tij dhe lindjes së djalit në SHBA.

Ish-kryeprokurorit i janë sekuestruar edhe 4 sipërfaqe trualli në periferi të Tiranës si dhe një apartament në Durrës.

Edhe pse ish-kryeprokurori anikmoi vendimin e shkallës së parë me arsyetimin se vuan nga një sëmundje e rëndë, kërkesa nuk u mor parasysh nga gjykata.

Llalla bëhet i pari ish-zyrtar i lartë i drejtësisë që u dënua me burg. Në vitin 2018 ai u përfshi në listën e personave “non grata” nga SHBA.

LEXONI GJITHASHTU:

• Llalla apelon dënimin me 2 vite burg nga arratia
• GJKKO rrëzon kërkesën e ish-kryeprokurorit Adriatik Llalla për pezullimin e dënimit me burg