Arsenali pëson humbjen e dytë, Manchester United ngjitet në vendin e tretë

Everton i ka shkaktuar humbjen e dytë në këtë sezon skuadrës së Arsenalit, e cila pavarësisht disfatës qëndron në krye të tabelës së klasifikimit. Përballja e së shtunës në Godison Park u mbyll me fitoren minimale të vendasve, teksa mjaftoi goli i Tarkovskit. Me këtë fitore, Evertoni ngjitet në vendin e 18-të, me po aq pikë.

Humbje dhe për Liverpoolin e Jurgen Klop, i cili është në krizë, ku në 4 përballjet e fundit në Premier Leaguen angleze nuk ka asnjë fitore. Përballa Wolverhampton, të kuqtë u mposhtën me rezultatin 3-0, duke përkeqësuar edhe më tej vendin në tabelë.

Fitore regjistroi Manchester United, i cili tashmë ngjitet në vendin e tretë, pasi fitoi ndaj Kristal Palas 2-1. Leister po ashtu u rikthye tek fitorja pas një serie rezultatesh negative teksa fitoi ndaj Aston Vilës 2-4. Brentford po gëzon një formë shumë të mirë, ku në 5 sfidat e fundit regjistron 4 fitore dhe 1 barazim. Dicka e tillë ndodh dhe me Brightonin që fitoi minimalisht ndaj Bournemouthit, ndërkohë e vetmja përballje pa fitues ishte Newcastle-West Ham.

LEXONI GJITHASHTU:

• Lëvizjet në merkato| Bajern huazon Cancelon, Arsenal ‘rrëmben’ mesfushorin e Chelsea
• Arsenali ‘blindon’ yllin e skuadrës, Martineli firmos kontratë të re deri në 2027