Zhoao Kanselo është lojtari më i ri i Bajernit të Mynihut. 28-vjeçari do të jetë në dispozicion të trajneri Nagelsman deri në fund të sezonit aktual, teksa kontrata përfshin vetëm huazimin.

Gjithsesi, bavarezët kanë të drejtën të blejnë portugezin në merkaton verore, ndërsa sitizens kërkojnë plot 70 mln euro. Rikthimi i tik në skuadrën e Pep Guardiolës është i pamundur, për shkak të marrëdhënies mes dy palëve.

Në ditën e fundit të merkatos së janarit ka pasur edhe të tjera zhvillime, njëri prej tyre është kalimi i bujshëm i Zhorzhinjo nga Chelsea tek rivalët e përjetshëm të Arsenalit.

Mesfushori nuk po gjen shumë hapësira tek blutë të cilët vijojnë përforcimet dita ditës, kështu që është i gatshëm për aventurën tek Arsenali. Nga kjo lëvizje Chelsea përfiton plot 12 mln euro.

Gjendja jo e mirë e të cilën po kalon Milan, ka bërë që dhe kuqezinjtë të hyjnë në merkato, ndërsa mbetet vetëm pak orë kohë. Tentativat e fundit të milanezëve lidhen me portierin Sportielo dhe mesfushorin e Romës, Zaniolo.

Të dy lojtarët kërkojnë një eksperiencë të re, ndërsa mesfushori roman është i pakënaqur me trajneri Murinjo. Gjërat duket se vështirësohen më tepër për shkak se merkato është drejt orëve të fundit të saj, ndërsa nuk përjashtohet ndonjë surprizë.

LEXONI GJITHASHTU

• Drejtori i Al Nassr shpërthen ndaj Ronaldos: Pagova 200 mln, di të bëjë vetëm “Siu”

• Enzo Fernandez rekordmeni i ri i Premierligës, Chelesea e blen për 120 milionë euro