Arsenali shpreson në derbi, Chelsea në krizë të plotë

Premier League angleze zhvillon mbrëmjen e kësaj të marte derbin e Londrës, sfidë e cila pritet me shumë interes dhe premton të jetë spektakolare. Arsenali dhe Chelsea përballen në Emirates, në një sfidë vendimtare për fatin e të dyjave. Topçinjtë synojnë rikthimin sërish në krye të tabelës, ndërsa blutë e udhëhequr nga Frank Lampard duan të lënë pas krizën e rezultateve.

Mungesat vendimtare vështirëojnë disi punën e trajnerit Mikel Arteta, me Tomijasu, Saliba dhe Elneni të cilët nuk janë të disponueshëm. Në kampion blu raportohet për 6 lojtarë të dëmtuar, mes tyre dhe Maunt e Xhejms. Përballja e fundit mes tyre e luajtur më 6 nëntor të vitit të shkuar u mbyll me fitoren minimale të Arsenalit, ndërsa ka fituar 3 nga 5 përplasjet direkte.

Duke parë formën e secilës në kampionat, të besuarit e Artetës cilësohen favoritë për marrjen e 3 pikëve. Në javët e fundit Arsenali ka shfaqur dobësi, ku në 5 ndeshje ka vetëm një fitore, dhe 3 barazime, shumë pak për një skuadër që synon titullin kampion. Premier Liga angleze tani udhëhiqet nga Manchester City i cili e ka luksin për t’i shkuar deri në fund garës, ndërsa është gjithashtu në finale të kupës dhe pretendent për fitimin e Ligës së Kampionëve.

LEXONI GJITHASHTU:

• Man City ‘poker’ Arsenalit, londinezët rrezikojnë kreun
• Ndeshja që vulos titullin/Man City përballet me Arsenalin, ‘qytetarët’ favoritë