Art në rërë, mbahet në plazhin e Velipojës “Land & Sand Art Festival”

“Land & Sand Art Festival” po zhvillohet për herë të parë në Velipojë si një risi të artit në rërë .

Artistë nga vende të ndryshme të Evropës u bënë bashkë për të ndërtuar në bregdetin e Velipojës skulpturat e tyre prej rëre. Sanita ka udhëtuar nga Letonia për në Velipojë . Skulptura e saj prej rëre po merr formë.

 “Më bënë një ftesë për të qenë këtu dhe e pranova me kënaqësi. Tek kjo skulpturë po mundohet të bëj katër fytyra bebesh. Ata janë kaq të mira dhe të ëmbla ndërsa gjendja e tyre emocionale ndryshon shumë shpejt , në një moment shumë të lumtura dhe pastaj të dëshpëruara. Këto momente do mundohem ti prezantoj në rënë,” – u shpreh ajo.

Ane Zlatova është nga Bullgaria. Në momentin e parë që ka pranuar ftesën për të marrë pjesë në festivalin në Shqipëri, e vetmja gjë që e identifikonte me vendin tonë ishte shenjtorja “Nënë Tereza”.

“Zgjodha Nënë Terezën pasi ajo i donte shumë fëmijët dhe të varfrit. Dija shumë pak për vendin tuaj dhe hyra të lexoj. Historia jonë është e ngjashme,” – tha Zlatova.

Për organizatorët kjo nismë është risi dhe shumë e rëndësishme për promovimin e zonës dhe kthimin në traditë të përvitshme këtë festival në plazhin e Velipojës.

Ky festival do të mbyllet në datën 27 gusht ndërsa përgjatë këtyre ditëve objektet do të jenë të ekspozuara për vizitorët

LEXONI GJITHASHTU:

• Velipoja pa skafe, pronarët kundër urdhrit për ndalimin në plazhe