“Asnjë komplot”, Lukashenko hedh poshtë spekulimet për stërvitjet ushtarake në kufi

Presidenti i Bjellorusisë, Aleksandër Lukashenko ka deklaruar se manovrat e fundit ushtarake nuk kishin për qëllim Ukrainën dhe hodhi poshtë “teoritë e konspirative” për vendosjen e forcave bjelloruse në kufi.

Në një konferencë për shtyp ai tha se po bëjnë stërvitje për shkak të situatës aktuale të krijuar dhe se nuk ka asnjë komplot ndja Ukrainës.

“Ne kemi pasur dhe po bëjmë stërvitje. Tani ato janë më të gjera për shkak të situatës aktuale dhe kërcënimeve. Prandaj, ne po kryejmë stërvitje në territorin tonë. Kjo është ajo. Asnjë qëllim tjetër, asnjë komplot” tha Lukashenko, sipas një deklarate të publikuar në faqen e tij zyrtare.

Më herët në dhjetor, Bjellorusia njoftoi stërvitje të menjëhershme ushtarake në të gjithë vendin dhe një delegacion rus i kryesuar nga presidenti rus Vladimir Putin shkoi në Bjellorusi për të takuar Lukashenkon.

Kjo shkaktoi spekulime se Putini mund të përpiqet të bindë Lukashenkon ta ndihmojë atë në luftën kundër Ukrainës. Bjellorusia ndan një kufi prej 674 miljesh me Ukrainën.

Territori i Bjellorusisë u përdor si një platformë nga trupat ruse gjatë pushtimit rus, por trupat e vendit deri më tani nuk kanë marrë pjesë në konflikt.

Lëvizjet e fundit të trupave ishin një përgjigje ndaj rritjes së tensioneve, tha Lukashenko.

LEXONI GJITHASHTU: 

• FIFA publikon renditjen e kombëtareve | Brazili në krye, Maroku ngjitet me 11 vende
• Samiti BE-Ukrainë do të zhvillohet më 3 shkurt
• Skandali i korrupsionit në PE, Eva Kaili kërkon lirinë