Makina tip Audi që u përdor për vrasjen e Klajdi Prendit rezulton se është vjedhur në Shqipëri. Mjeti është vjedhur në Tiranë para një viti.

Në mjetin tip Audi në orët e para të së martës dyshohet se ishin dy persona, ku një prej tyre ka qëlluar 5 herë me armë zjarri tip pistoletë me silenciator drejt Klajdi Prendit.

Policia ka shoqëruar disa persona ne lidhje me ngjarjen po ende asnjë te ndaluar.

Klajdi Prendi u vra në një atentat mafioz në orët e para të mëngjesit të së hënës në zonën e Porcelanit në Tiranë, sapo doli nga një lokal dhe hyri në automjetin e tij.

I ati i 28-vjeçarit, ish-gjyqtari Fran Prendi i pyetur nga oficerët e policisë gjyqësore për ekzekutimin e të birit është shprehur se nuk kishte dijeni për konfliktet e 27-vjeçarit apo dyshime të tjera

Sipas hetimeve ka rezultuar se i riu ka pasur një konflikt disa ditë më parë me disa persona për çështje borxhi.