Atentati ndaj Lulzim Kullës në Shkodër, lirohen nga burgu tre autorët e dyshuar

Lirohen autorët e dyshuar ndaj atentatit të Lulzim Kullës, ngjarje kjo që ndodhur më 13 janar të vitit 2018.

Për Endri Çopjan Gjykata e Shkallë së Parë Shkodër dha masën e sigurisë “arrest shtëpie”, pasi i ka mbaruar afati i paraburgimit dhe i është zbutur akuza. Tashmë mbi të rëndon vetëm akuza  “sigurimi i kushteve dhe mjeteve për të kryer vrasjen”.

Para togave të zeza Çopja ka thënë se i çuar sjell motorin një personi me emrin Toni, për t’ja shitur dhe jo për vrasje.

“Nuk e kam ditur më përpara se kush është. Pasi jam arrestuar kam mësuar se Toni ka qenë Boran Berçana, i cili është vrarë në 15 korrik”, është shprehur ai.

Ndërsa për Argel Lulajn dhe Serxho Tetën u dha masa e sigurisë detyrim paraqitje, pasi është vërtetuar se ditën e ngjarjes nuk kanë qenë në qytetin e Shkodrës.

Pas atentatit ndaj Lulzim Kullës në janar të 2018-ës, për dy vite me radhë në Shkodër pasuan një sërë ngjarjesh kriminale që dyshohet se janë të lidhura me njëra-tjetrën.