Atentati në Rinas, policia njoftim zyrtar për viktimën dhe të plagosurin

Policia e Tiranës ka dalë me njoftim zyrtar lidhur me atentatin e regjistruar këtë të marte në rrethrrotullimin e Rinasit.

Sipas njoftimit policor, në automjetin e qëlluar ishin dy persona, njëri i identifikuar si Gilmando Dani, dhe një tjetër i identifikuar si Muçi Shaljani (Sheqeri), i cili ndodhet në spitalin e Traumës i palgosur. Për pasojë ka mbetur i vrarë Gilmando Dani.

Njoftimi zyrtar:

Rreth orës 14:20, te rrethrrotullimi në afërsi të aeroportit, dyshohet se është qëlluar me armë zjarri drejt automjetit me të cilin po lëviznin shtetasit M. Sh., rreth 40 vjeç dhe G. D., rreth 47 vjeç.

Si pasojë ka humbur jetën shtetasi G. D. dhe është plagosur shtetasi M. Sh., i cili ndodhet në spital, në kujdesin e mjekëve, në gjendje të rëndë shëndetsore.

Shërbimet e Policisë kanë rrethuar zonën, kanë ngritur pika kontrolli dhe vijojnë punën për kapjen e autorit/ëve.

Ndërkohë, grupi hetimor, në drejtimin e Prokurorisë, po punon për zbardhjen e rrethanave të ngjarjes.