Atletët rusë dhe bjellorusë do të marrin pjesë në Olimpiadën e Parisit si neutralë

Atletët rusë dhe bjellorusë, të cilët kualifikohen për të garuar në sportet e tyre për Lojërat Olimpike Parisi 2024, do të mund të marrin pjesë si neutralë, pa flamuj, emblema, dhe himne, në ceremoninë që do të mbahet vitin e ardhshëm, ka thënë të premten Komiteti Olimpik Ndërkombëtar (IOC).

Atletëve, fillimisht, u është janë ndaluar garat ndërkombëtare, pas nisjes së luftës së Rusisë në Ukrainë, mirëpo prej atëherë ata janë kthyer gradualisht për të garuar në shumicën e sporteve.

“Bordi Ekzekutiv i Komitetit Olimpik Ndërkombëtar, ka vendosur që atletët individualë neutralë, që janë kualifikuar përmes sistemeve kualifikuese ekzistuese të Federatave Ndërkombëtare, do të shpallen të ligjshëm për të garuar në Lojërat Olimpike Parisi 2024, në përputhje me kushtet e përcaktuara”, ka thënë trupi olimpik përmes një deklarate.

“Individët individualë neutralë janë atletët me pasaporta ruse apo bjelloruse”.

LEXONI GJITHASHTU:

• Cameron: Të përdorim paratë nga asetet e ngrira ruse për të rindërtuar Ukrainën
• Kumbari i Putin vjen në Ballkan, themelohet në Serbi lëvizja proruse “Ukraina e II”