Vetëm 8 km nga qyteti i Elbasanit ndodhet pika turistike më e afërt, ajo e Byshekut. Janë të shumtë ata qytetarë të cilët për t’iu arratisur të nxehtit që ka kapluar vendin tonë prej disa ditësh, zgjedhin ta frekuentojnë.

Ajo që e bën të veçantë këtë destinacion janë burimet ujore, rrepat shekullorë dhe freskia që ofron hija e tyre.

Një mundësi e mirë për të gjithë pushuesit nga qyteti i Elbasanit dhe zonat përreth të kalojnë disa momente relaksuese.

Qytetarët që kanë zgjedhur ta vizitojnë, e shohin si një mundësi për të përballuar vapën.

“Këtu është një vend i bukur i mrekullueshëm, ka edhe lokale që vijmë i frekuentojmë. Vijmë me familjen për të kaluar një kohë të mirë”, thotë një qytetar.

Por përpos bukurisë që i ka falur natyra, duket se dora e njeriut dhe mungesa e investimeve kanë bërë që ky atraksion të degradohet.

“Infrastruktura, një pjesë ishte mirë ndërsa një pjesë kishte nevojë”, shprehet një tjetër.

Bysheku është një hapësirë e pyllëzuar, që spikat edhe për vlerat historiko-kulturore. Shushica e Elbasanit, ku bën pjesë edhe Bysheku është pjesë e programit “100 fshatrat” për shkak të potencialit të madh turistik që ka.

LEXONI GJITHASHTU:

• “Turizmi në nivelet e Greqisë”, Rama: Kemi krijuar besim te investitorët e huaj
• Veri apo Jug, ku është mikpritja më e mirë? Përgjigjet eksperti i turizmit