Veri apo Jug, ku është mikpritja më e mirë? Përgjigjet eksperti i turizmit

Eksperti i turizmit Eduart Çekoja tha se sa më tepër t’i largohesh nivelit të detit në Shqipëri aq më e madhe është mikpritja pasi sipas tij në qytete e bregdete, marrëdhënia me turistin është më direkte dhe më materialiste.

I ftuar në Summer Cube ai tha se me përvojën e tij, ka kritika si për veriun edhe për jugun , por shtoi se në veri të Shqipërisë mikpritja është më e madhe.

“Ka disa elemente mikpritëse tradicionale që mbeten gjithnjë më të forta në veri të Shqipërisë,  është komplet ndryshe mikpritja në jug, ajo është po aq e veçantë, por në forma të tjera.

Mendoj se zonat turistike e kanë humbur ndoshta sensin e mikpritjes, siç mund ta kenë humbur edhe zona turistike në veri të Shqipëri, por mendoj e ndarja është se në momentin që ngjitesh mbi nivelin e detit mikpritja është më  e mirë dhe më e theksuar. Se në qytete e në bregdet marrëdhënie me turistin është shumë më tepër materialiste”,-tha Eduart Çekoja.

LEXONI GJITHASHTU:

• “Rama fitoi kapital me arrestimin e Belerit”, Dhuli: E bllokoi Shqipërinë…
• Partizani synon fitoren, të kuqtë favoritë ndaj Escaldes, Ballkani përballë Larne