Aubameyang te Chelsea pas 6 muajsh tek Barcelona, Balotelli kalon në Sion
Aventura e Pierre-Emerick Aubameyang tek Barcelona zgjati vetëm 6 muaj. Shtëpia e tij e re do të jetë sërish Premier League, skuadra angleze e Chelsea.
Sulmuesi 33-vjeçar largohet nga Spanja për t’u bashkuar me trajnerin Tomas Tuchel.
Chelsea i ka dhënë Barcelonës mbrojtësin anësor Marcos Alonso plus 14 milionë euro për të marrë sulmuesin, i cili do ketë si partner Armando Brojën në Londër.
Në klubin katalanas gabonezi shënoi 13 gola në 24 paraqitje.
Kampionët e Afrikës senegaleze patën një ditë të turbullt, sikundër edhe Idrissa Gana Gueye. Mesfushori është larguar nga PSG për të nënshkruar me ish-klubin e Everton. Ndërsa shoku i tij i skuadrës në Paris Abdou Diallo transferohet në Leipzig të Gjermanisë.
E së fundmi një nga surprizat e transfertave është edhe Mario Balotelli, i cili largohet nga klubi turk Adana Demirspor dhe kalon në Sion të Zvicrës.
Ekipi turk konfirmoi se është arritur një marrëveshje për transferimin e sulmuesit për 2.6 milionë euro.
32-vjeçari në karrierën e tij deri më tani ka luajtur për Inter, Manchester City, Milan, Liverpool, Marseille dhe Brescia. Ai ka 36 paraqitje për Kombëtaren italiane dhe ka shënuar 14 gola.
LEXONI GJITHASHTU:
Alarm nga temperaturat ekstreme, ekspertët i kërkojnë FIFA-s të shtyjë ndeshjen Francë-Paraguaj
Klopp pranon ofertën, Gjermania drejt një kapitulli të ri
Zyrtare, Allegri emërohet trajner i Napolit
- 14:52 Mision shpëtimi në hapësirë, anija kozmike “Link” niset për të ngritur orbitën e teleskopit Swift që rrezikon të bjerë në Tokë
- 14:35 Alarm nga temperaturat ekstreme, ekspertët i kërkojnë FIFA-s të shtyjë ndeshjen Francë-Paraguaj
- 14:19 Ukraina dhe Moldavia hedhin një tjetër hap të madh drejt anëtarësimit në BE
- 14:03 Zbulohet një call center në Shkodër, arrestohen 4 persona. Procedohen 61 punonjës
- 13:58 Shkodër, arrestohet 16-vjeçari për grabitjen me armë të turistëve gjermanë, 1 në kërkim
- 13:50 Arrestohet komediani turk, akuzohet për fyerje të Islamit dhe presidentit Erdogan