Autobusi bie në lumë, 23 të vdekur në Peru

Të paktën 23 persona humbën jetën kur një autobus pasagjerësh u rrëzua në një lumë në malet e Andeve në veri të Perusë, tha një prokuror për mediat lokale.

Aksidenti ndodhi të dielën në mbrëmje kur autobusi po shkonte për në qytetin e Sorochuko, tha Olga Bobadilja, prokurore provinciale për rajonin e Cajamarca, për radiostacionin lokal RPP.

Ende po mblidhen informacione pasi aksidenti ka ndodhur gjatë natës në një rrugë të paasfaltuar, ku autobusi ka rënë në një përroskë dhe ka përfunduar në lumë”, tha Bobadilja.

Mediat lokale raportuan se autobusi po udhëtonte nga qyteti i afërt Celendin, i cili që atëherë ka shpallur tre ditë zie. Aksidentet janë të zakonshme në rrugët në Peru.

Njëzet persona humbën jetën në aksident shtatorin e kaluar, ndërsa në janar 2023, të paktën 24 prej tyre vdiqën kur autobusi ra nga shkëmbi.

LEXONI GJITHASHTU:

• Skandali në Peru, dorëhiqet kryeministri
• Kryeministri i Indisë përuron tempullin hindu mbi xhaminë e rrafshuar