VIDEO/ Autor i disa vjedhjeve, vihet në pranga 36-vjeçari në Tiranë

Policia e Tiranës këtë të hënë ka vënë në pranga një 36-vjeçar, i cili dyshohet se është autori i disa vjedhjeve. Sipas raportimeve nga policia, i arrestuari është dënuar më parë për të njëjtin krim.

Sakaq, arrestimi i tij është bërë i mundur nga denoncimet e qytetarëve për raste të vjedhjes së pronës dhe pasurisë së tyre. Mësohet se autori ka vjedhur një biçikletë elektrike, një varëse dhe një portofol.

“Menjëherë pas denoncimeve të qytetarëve, për raste të vjedhjes së pronës/pasurisë së tyre në territoret në juridiksion të komisariateve të Policisë Nr. 3 dhe Nr. 1, shërbimet e këtyre njësive organizuan punën për zbardhjen e autorësisë së rasteve.

Si rezultat, u identifikua, u kap dhe u vu në pranga autori i dyshuar i 3 vjedhjeve, shtetasi M. K., 36 vjeç, banues në Tiranë.

Nga hetimet dyshohet se ky shtetas:

-më datë 06.03.2026, ka vjedhur 1 bicikletë elektrike, në Rrugën e Kavajës;

-më datë 07.03.2026, i ka vjedhur varësen, një shtetaseje, në bulevardin “Gjergj Fishta”;

-më datë 08.03.2026, i ka vjedhur portofolin, një shtetasi, në rrugën “Avni Rustemi”.

Vijon puna për zbardhjen e vjedhjeve të tjera që mund të ketë kryer 36-vjeçari”, thuhet në njoftimin e policisë.

Materialet procedurale iu referuan Prokurorisë së Tiranës, për veprime të mëtejshme.