Avionë luftarakë të SHBA në Bosnjë, stërvitje ajrore pas deklaratave për ndarje

Flota ajrore e Shteteve të Bashkuara të Amerikës do të kryejë stërvitje ushtarake në Bosnje. Manovrat ushtarake kryen pas shtimit të zërave për ndarje dhe mos njohjes së marrëveshjes së Dejtonit.

Ushtria amerikane ka nisur një stërvitje ajrore në Bosnjë Hercegovinë. Dy avionë luftarakë F-16 të Forcave Ajrore të Shteteve të Bashkuara do të kryejnë manovra mbi qytetet Tuzla dhe Brçko.

Ambasada e SHBA njoftoi se stërvitja ajrore “tregon përkushtimin e Shteteve të Bashkuara ndaj integritetit territorial të Bosnjë e Hercegovinës në vazhdën e aktiviteteve ndarëse dhe anti-Dejon”.

Ambasada amerikane thekson se stërvitje të tilla zhvillohen rregullisht me aleatët në rajon me qëllim trajnimin dhe angazhimin e përbashkët për sigurinë.

Stërvitja zhvillohet më 9 janar, kur serbët Republikës Serbka kanë paralajmëruar organizmin e një feste që flet për bashkimin tyre me Serbinë. Kjo festë është shpallur antikushtetuese nga Gjykata e Bosnjës.

Kreu i republikës serbska Millorad Dodik ka folur shpesh për ndarje nga Bosnja dhe mos njohje të marrëveshjes së Dejtonit.

Në deklaratën e ambasadës SHBA thekson se Kushtetuta e Bosnjë e Hercegovinës nuk parashikon të drejtën e shkëputjes dhe se do të veprojë nëse dikush përpiqet të ndryshojë këtë element bazë të Dejtonit.

LEXONI GJITHASHTU:

• Situata në Bosnjë, paralajmërimi i Shalës: Në 2024 do kemi një pranverë ballkanike
• Varret e panjohura në Serbi, qindra emigrantë kanë humbur jetën në kufrin me Bosnjën