Avokati denoncon gjykatën: Shkelja me Avdylajt e Shijakut për dosjen e drogës

Avokati Arbër Hoxha ka treguar shkeljet ligjore që janë bërë  nga Gjykata për rastin e Astrit Avdylajt në dosjen e Shijakut dhe të ish-ministrit Saimir Tahiri.

I ftuar në emisionin “Now” në Euronews Albania, ai tha se Avdylajn Gjykata e dënoi me 12 vite burg e jo 10 sa kishte kërkuar prokuroria ndërsa Tahirin nga shërbim prove e kthehu në burg.Sipas tij këto ndodhin vetëm nëse ka intimidim nga faktorë të tjerë.

“Një nga të pandehurit në dosjen e Shijakut që është Astrit Avdylaj që është konsideruar si kreu i grupit pa asnjë provë prokurori ka kërkuar 10  vite burg dhe Gjykata e Shkallës se Parë e ka dënuar me 12 vite burg. Po ju sjellë dhe rastin e Saimir Tahirit, që ka bërë rekurs në Gjykatën e Lart, pasi nuk është pajtuar me vendimin e Gjykatës së Apelit dhe Gjykata e Lartë ka prishur vendimin duke e vendosur Gjykatën e Apelit në kornizë dhe Gjykata e Apelit ka rënduar pozitën proceduriale të pandehurit duke i kthyer shërbimin e provës në burg. Gjykata ka shkelur një parim 1800 vjeçar, kjo do të thotë se ka një intimidim shumë të madh nga aktorë apo faktorë të tjerë”- tha ai.

LEXONI GJITHASHTU: 

• Avokati: Si po ndodhin intimidimet në seancat gjyqësore nga ndërkombëtarët
• ‘Ku janë peshqit e mëdhenj?’, Çipa ‘skanon’ raportin Rama-Kim: Kriza që shikoj
• “Do rrëzojmë Enverizmin”, Ngjela: Mesazhi që donte të jepte Yuri Kim për Ramën