Gazetari Aleksandër Çipa ka treguar disa nga çështjet, që sipas tij, mund të kenë shkaktuar një krizë në marrëdhëniet mes kryeministrit Edi Rama dhe ambasadores amerikane, Yuri Kim.
Në emisionin “Now” në Euronews Albania, Çipa përmendi emërimet në SPAK, Shërbimin Informativ, apo edhe rasti i largimit të ish-Drejtorit të Përgjithshëm të Policisë, Gledis Nano.
“Marrëdhënia e klasës sonë politike me sistemin e drejtësisë, ka qenë një marrëdhënie defektoze. Është arsyeja përse në raportet periodike ne konsiderohemi një vend me një stabilitet juridik, me një vend ku funksionon kapja e shtetit. Sot unë lexoj nga ky dialog, apo nga komunikimi i tërthortë i ambasadores dhe kryeministrit, mendoj se janë disa çështje.
Së pari që kanë të bëjnë me emërimet në nivelet e larta të institucioneve kushtetuese. Jo vetëm SPAK-u, rasti i Shërbimit Informativ, rasti i SPAK-ut. Më herë mediat kanë përmendur rastin e largimit të Drejtorit të Përgjithshëm të Policisë”, theksoi ai.
LEXONI GJITHASHTU
