A po hetohet Rama? Ngjela: SHBA mund të jetë fyer nga njoftimi për Yuri Kim-in

Avokati Spartak Ngjela thotë se SHBA mund ta ketë marrë si fyerje kundër ambasadores Yuri Kim, njoftimin e Ministrisë së Jashtme, ku thuhej se kishin nisur procedurat për zëvendësimin e saj.

Në emisionin “Now” në Euronews Albania, Ngjela u shpreh se reagimi i ambasadores Yuri Kim në lidhje me këtë çështje, ishte i ashpër.

“Ambasadorja amerikane u përgjigj ashpër. Në një nga emisionet tuaja thashë, nëse Rama e ka bërë nga mendja, është çmenduri. Nëse ata e kanë marrëveshje me njëri-tjetrin dhe vazhon marrëveshja, nuk e di. Por çështja është që u përgjigj ashpër. Sipas eksperiencës sime, kjo tregon që ka qenë e acaruar politike, sepse mund ta kenë marrë si fyerje kundër Yuri Kimi-n.

Problemi është që e kanë marrë si fyerje kundër saj, por çdo të thotë fyerje kundër saj? Ajo ka drejtuar reformën në drejtësi. Kush preket nga reforma në drejtësi? Të gjithë”, theksoi ai.

Ambasadorja e SHBA, Yuri Kim iu përgjigj diskutimit lidhur me mandatin e saj, duke theksuar se do të jetë ‘edhe ca më gjatë në Shqipëri’.

Në konferencën “Drejt ekselencës gjyqësore”, Kim u shpreh se shqiptarë po i ndiejnë rezultatet e reformës në drejtësi, por inkurajoi për më shumë.

Sipas ambasadores, me gjithë progresin e arritur, nuk është koha për të thënë ‘mjaft’ dhe për të pushuar, por për të punuar më shumë.

LEXONI GJITHASHTU

• ‘Zëvendësimi i Yuri Kim’, Mediu: Njoftim i nxituar, të sillemi si aleatë me SHBA-të
• Genc Burimi zbulon dokumentin që Yuri Kim dërgoi në SHBA për Ramën
• Reagimi i ministrisë për Yuri Kim, Ndoka: Provokues dhe i tepërt