Avokati serb Cedomir Stoikoviç komentoi në një intervistë për Euronews Albania kërkesën e opozitës së Serbisë për zgjedhje të parakohshme.
Sipas tij opozita serbe nuk është gati për diçka të tillë dhe kërkesa e tyre është jo fort e ndershme në një kohë kur presidenti Aleksandër Vuçiç është treguar i gatshëm për ta realizuar kërkesën.
“Sot është vërtetë e vështirë të them se përse opozita në Serbi po kërkon zgjedhje të parakohshme sepse nuk është një vendim i zgjuar duke qenë se opozita nuk është gati për zgjedhje. Ky është faktori i parë, i dyti është se opozita në Serbi nuk e bëri të dukshëm dallimin mes qeverisë dhe tyre në temat më kryesore. Për shkak të kësaj nuk jam i bindur nëse opozita serbe është e sinqertë kur kërkon këto zgjedhje, sidomos në situatën kur Aleksandër Vuçiç tha në rregull mund të kemi zgjedhje. Është një rastësi e çuditshme që Vuçiç do zgjedhje sepse ka fuqi dhe pushtet të jashtëzakonshëm, dhe në të njëjtën kohë edhe opozita do zgjedhje,” – u shpreh avokati.
LEXONI GJITHASHTU:
