Avokati zbulon skemën e Bashës: Firmosi autorizimin e Alibeajt 3 ditë përpara se…

Avokati Bledar Meminaj ka komentuar në Euronews Albania situatën në Partinë Demokratike dhe procesin gjyqësor që po zhvillohet për vulën e saj.

Meminaj theksoi se Basha është në rregull me ligjet, pasi i ka dhënë autorizimin Enkelejd Alibeaj, 3 ditë përpara se të jepte dorëheqjen, duke e parashikuar situatën e PD-së për regjistrimin në zgjedhjet lokale.

Sipas Meminaj, Basha me këtë skemë ka dhënë dorëheqjen “de jure” nga kryetari i partisë, duke u zhdukur nga skena politike, por “de facto” rezulton ende kryetar në gjykatë.

“Një proces i bllokuar nga Berisha në Gjykatën e Tiranës është shfrytëzuar shumë bukur si jurist nga Basha, është si një kundërpërgjigje. Tashmë jemi në këtë ngërç, që pasi dha dorëheqjen Basha u zhduk, për të treguar që “de jure” nuk është më kryetar i Partisë Demokratike. Regjistri në gjykatë jep kryetarin e asaj kohe, pra “de facto” Basha është kryetar.

Për mua ka shfrytëzuar bllokimin që nuk mund ta pasojë dot në gjykatë. Është treguar i zgjuar. I bën një goditje të tillë më gjykatën e Shkallës së Parë dhe ai e shfrytëzoi këtë gjë. Të mos harrojmë që Basha është jurist i njeh mirë ligjet”, tha avokati Bledar Meminaj.

LEXONI GJITHASHTU:

• Berisha konfirmon “bashkimin” me Metën: Opozita finalizon koalicionin më të fuqishëm
• Partia e Lirisë regjistrohet sot si koalicion në KQZ, zbulohen 3 partitë e tjera
• PD jashtë 14 majit, hidhet shorti në KQZ për ankimimin. Kush do të jetë relatori