Avokatja e Popullit: Askujt s’duhet t’i privohet e drejta të birësojë një fëmijë

Avokatja e Popullit, Erinda Ballanca gjatë një ndërhyrjeje në emisionin “Now” u shpreh se shoqëria duhet të tregohet e hapur dhe askujt të mos i privohet e drejta për të birësuar fëmijë.

Për debatin nëse emërimi për prindërit mund të bëhet ‘Prind 1’ dhe ‘Prind 2’, u shpreh se kjo do të jetë opsionale dhe do të varet nga vullneti i prindërve.

“Ne jemi një shoqëri që jemi mjaftueshëm shoqëri tradicionale por ne duhet të hapemi. Nëse nuk hapemi do të mbetemi gjithmonë në kohën e osmanizmit. Opsioni është i hapur dhe është vullneti i individit që e vendos ‘nënë’ apo ‘baba’ dhe ‘Prind 1’ apo ‘Prind 2’. Është vullneti i tij”, u shpreh Ballanca.

Avokatja e Popullit shtoi se nuk shikon asnjë problem që nëna të vetme të adoptojnë fëmijë dhe ajo solli rastin e mikeshave të saj që kanë adoptuar fëmijë të cilët po rriten të lumtur.