“Avokatura e Shtetit të japë llogari”, eksperti: Pse humbi kaq shumë para në gjyqe?!

Eksperti i ekonomisë, Fatos Çoçoli tha në një intervistë për Euronews Albania se Avokatura e Shtetit duhet të japë llogari për paratë e humbura në gjyqe.

Ai sqaroi gjithashtu se Shqipëria ka një bilanc negativ në arbitrazhe, ndërsa nënvizoi se nga 7 gjyqe, vendi ynë ka fituar vetëm 1.

“Shpresojmë të ketë diçka në lëvizje, por nuk po shikoj sepse gjithnjë e merr përsipër qeveria. Avokatura e Shtetit është një strukturë që varet nga qeveria jonë. Është mirë që kjo Avokaturë në radhë të parë të japë llogari para Kuvendit se sa i është dëgjuar fjala, sepse kjo është një strukturë që mund të ketë dhe disa profesionistë, nuk paragjykoj asgjë, por ama kur përpiqet të koordinojë punën, askush nuk e dëgjon,” – u shpreh Çoçoli.

Eksperti deklaroi se, aktualisht nga gjyqet e zhvilluara deri tani me kompanitë e huaja në Shqipëri, janë “në lojë” 300 milionë euro.

LEXONI GJITHASHTU:

• “Në 7 gjyqe, kemi fituar vetëm 1”, Çoçoli: Shqipëria, bilanc negativ në arbitrazhe
• “Ikin 40 mijë në vit”- Çoçoli: Kapitali njerëzor që kemi humbur, me vlerë 12.5 mld €