‘Babagjyshi’ viziton pediatrinë në Shkodër, surprizohen për festa fëmijët e sëmurë

Fëmijët në të gjithë botën pritën natën e ndërrimit të viteve për të marrë dhuratat poshtë pemës dhe për t’u mbledhur rreth tryezës së fundvitit për të festuar me të dashurit e tyre.

Por jo të gjithë munden ta shijojnë magjinë e festës në shtëpi. Euronews Albania ishte e pranishme në pediatrinë e spitalit rajonal të Shkodrës, së bashku me vullnetarë të “Eko Mendje” për t’i gëzuar fëmijët sadopak gjatë ditëve të ndërrimit të viteve.

Nga një ëmbëlsirë dhe një dhuratë nga babagjyshi ua largoi pak mendjen vogëlushëve nga problemet shëndetësore, duke u dhuruar buzëqeshje pafund.

Marie Tokaj ka 40 vite që punon si infermiere në repartin e pediatrisë. Jo pak herë i është dashur që natën e ndërrimit të viteve ta kalojë në punë, por kjo nuk përbën problem për të.

Mirsad Basha, aktivist prej vitesh në Shkodër shprehet se këto nisma janë shumë të rëndësishme, për të dhuruar buzëqeshje te fëmijët.