Babai i vajzës ruse që vizatoi pikturën kundër luftës arrestohet në Bjellorusi

Një burrë i dënuar me burg në Rusi pasi vajza e tij vizatoi një pikturë “anti-luftë” është kapur në Bjellorusi, pasi ishte arratisur nga vendi.

Alexei Moskalev u dënua me dy vjet burg në mungesë të martën për diskreditim të ushtrisë.

Ai ra në vëmendjen e autoriteteve vitin e kaluar – pasi një shkollë raportoi vizatimin e vajzës së tij në polici.

Një avokat tha se ai ndoshta u kap në Minsk pasi ndezi telefonin celular, i cili zbuloi vendndodhjen e tij.

Duke folur për Reuters, avokati Dmitry Zakhvatov tha se “dikush kishte bërë një gabim” duke dhënë vendndodhjen e tij.

“Me shumë gjasa kjo ishte për shkak të përdorimit të gabuar të një telefoni celular”, tha ai.

Ky version i ngjarjeve u mbështet nga gazetarja Marina Ovsyannikova, e njohur për protestat e saj kundër luftës.

LEXONI GJITHASHTU:

• Gjukanoviç: Serbia, ‘kopje’ e Rusisë në rajon, kërkon të sundojë disa vende
• Lavrov: Rusia e di se për çfarë po lufton në Ukrainë