Bagazhin e makinës plot me kanabis, arrestohet 42-vjeçari shqiptar në Greqi

Një 42-vjeçar shqiptar është arrestuar në Greqi, pasi u kap me kanabis, të cilin e kishte futur në bagazhin e makinës.

Mediat e huaja, bëjnë me dije se ai u ndalua në Stavroupoli Selanik dhe gjatë kontrollit që u bë në automjetin e tij, i cili u sekuestrua, në bagazhin e tij u gjetën 20 pako me kanabis të papërpunuar me peshë totale 22 kg e 238 gram.

42-vjeçari u arrestua dhe u bë kontroll në banesën e tij në zonën e Neapolisit.

Aty u sekuestrua një sasi e vogël kokaine dhe një peshore elektronike dhe ndaj tij u ngrit një dosje për posedim, transport dhe trafik droge, me të cilën u dërgua në prokurorinë e Selanikut, i cili e akuzoi për vepër penale.

LEXONI GJITHASHTU: 

• Humbën prodhimin për shkak të breshrit, banorët e Maliqit dalin në protestë
• “Radoiçiç do bëhet Adem Jashari i serbëve”- Kurti: Çfarë na tha Vuçiç në Bruksel