Bajden pritet të miratojë paketën prej 100 milion dollarësh për Ukrainën

Presidenti i SHBA-ve, Xho Bajden pritet të miratojë një paketë prej 100 milion dollarësh për Ukrainën.

Kjo paketë do të shërbejë për furnizimin me armë të Ukrainës, sipas 4 zyrtarëve amerikanë të cilët kanë folur për Reuters.

Shtetet e Bashkuara i kanë dërguar Ukrainës armatim në vlerë prej 3.4 miliardë dollarësh që prej fillimit të agresionit rus më 24 shkurt,.

Muajin e kaluar Bajden propozoi një paketë ndihme prej 33 miliardë dollarësh për Ukrainën, duke përfshirë më shumë se 20 miliardë dollarë ndihmë ushtarake.

Udhëheqësit e G7, përfshirë Bajden, do të zhvillojnë një video-telefonatë të dielën me presidentin ukrainas Volodimir Zelenski, një ditë përpara se Rusia të shënojë festën e saj të Ditës së Fitores.

LEXONI GJITHASHTU

• Zelenski: Rusia mendon se nuk do ndëshkohet pasi ka armë bërthamore
• ‘Rezistojmë deri në plumbin e fundit’, ukrainasit refuzojnë të lënë Azovstalin