Balla: 11 korriku të shpallet dita e përkujtimit të gjenoicidit në Srebrenicë

Kryetari i grupit parlamentar të Partisw Socialiste, Taulant Balla i cili paraqiti në Kuvend projektrezolutën për njohjen e gjenocidit të Srebrenicës, e cilësoi atë një histori tragjike në zemër të Europës dhe kambanë alarmi  ndaj rreziqeve.

Balla u shpreh se votimi i kësaj rezolute e nderon Kuvendin dhe Shqipërinë, ndërsa kërkoi që 11 korriku të shpallet si dita e përkujtimit të gjenocidit në Srebrenicë

“Kjo rezolutë është dokument tepër serioz, larg çdo forme folklorizimi, është gjuha e zemrës së shqiptarit dhe Shqipërisë. Kjo rezolutë vjen në mbështetje të objektivave të presidencës shqiptare të këshillit të sigurimit që fokusoheshin ndër respektimin e të drejtës ndërkombëtare. Evropa dhe Kombet e Bashkuara dështuan ta ndalonin atë masakrës. Gjenocidi do mbetet si një plagë e hapur në zemër të Evropës për të na kujtuar që krime të tilla të mos ndodhin më kurrë. Rezoluta që Kuvendi miraton sot dënon vazhdimin dhe përshkallëzimin e urrejtjes etnike. Të shpallet 11 korriku si dita e përkujtimit të gjenocidit në Srebrenicë”, tha Balla në Kuvend.

LEXONI GJITHASHTU:

• Rezoluta për Srebrenicën, votohet sot në Kuvend nisma e mazhorancës
• Debate në Kuvend, Alibeaj kërkon rezolutë për krimet serbe në Kosovë