Balla: Do të ndryshojmë urgjentisht ligjin për Komisionet Hetimore

Kreu i Grupit Parlamentar të PS Taulant Balla është shprehur se do të ndryshojnë ligjin për Komisionet Hetimore.

Këtë deklaratë e bëri në një dalje për mediat pas përfundimit të mbledhjes së konferencës së kryetarëve ku u diskutua kalendari i Kuvendit që nis sesionin  e ri më 16 janar të këtij viti.

Deklarata e tij vjen si përgjigje ndaj kërkesës së PD për ngritjen e një Komisioni Hetimor për shpenzimet e fluturimeve me charter të kryeministrit Edi Rama.

“Kuvendi i Shqipërisë të adresojë në mënyrë urgjente të gjitha vendimet e Gjykatës Kushtetuese në 20 vitet fundit. Bëhet fjalë për një ligj që ka një sërë vendimesh të Gjykatës Kushtetuese, ka një sërë interpretimesh që duhen marrë në konsideratë dhe dakordësia ka qenë në konferencën e kryetarëve që vendimet e Gjykatës Kushtetuese të transpozohen në logj. Edhe rregullorja e Kuvendit ka nevojë për ndryshime. Mendoj se në mënyrë urgjente ne do të kemi mundësinë të ndryshojmë ligjin për Komisionet Hetimore, por propozimi im ka qenë që të kemi një Komision për të adresuar këto ndryshime”- tha Balla.

LEXONI GJITHASHTU: 

• Spiunët jashtë politikës? Balla: PD po pengon nismën e PS
• A do të merren politikanë të tjerë në pyetje për Gërdecin? Avokati jep detajet
• Balla: Do hapim garën për Avokatin e Popullit, të kandidojë kush përmbush kriteret