Balla: Përqindja e votave të diasporës në Shqipëri, është më e larta në rajon

Aty ku grupet e numërimit po bëjnë gati kutitë me votat që ka sjellë diaspora. Drejtuesi politik për Partinë Socialiste, Taulant Balla tha për Euronews Albania se duhet respektuar vullneti i votuesve të diasporës.

Ndërkaq, sipas Ballës, përqindja e kthyeshmërisë së votave të diasporës në Shqipëri, është më e larta në Rajon.

“Kodi Zgjedhor është shumë i qartë lidhur me fillimin e procesit të numërimit për votat e diasporës. Në momentin që fillon numërimi në qarkun Kukës, fillon dhe numërimi i votave të diasporës në qarkun Kukës.

Me sa kam kuptuar nga vëzhguesit, edhe Korça po bëhet gati nga momenti në moment.

I pyetur se si priten votat e diasporës, Balla tha se: “Ajo që ka rëndësi nga të gjitha palët është që populli ka folur, diaspora ka folur, tani duhet të respketojmë me qetësi vullnetin e tyre”.

“Po flisja me disa anëtarë të Këshillit Kordinues të Diasporës dhe përqindja e kthyeshmërisë të votave të diasporës në Shqipëri është më e larta në rajon, është një gjë e mirë. Respekt dhe mirënjohje për shqiptarët në diasporë”, shtoi drejtuesi politik për PS-në.

LEXONI GJITHASHTU:

• “190 mijë vota nga diaspora presin të numërohen”, Topalli tregon problemet në Greqi
• Numërohen tre kutitë e para në Pustec, kryeson PS