Balluku falenderon Ramën dhe bashkëpunëtorët në Ministrinë e Infrastrukturës: Mirënjohëse

Pasi i dorëzoi këtë të premte stafetën e detyrës ministrit të ri, Enea Karakaçi, Belinda Balluku ka postuar një status në rrjetet sociale ku ka falënderuar të gjithë bashkëpunëtorët e saj në Ministrinë e Infrastrukturës dhe Energjisë, si dhe kryeministrin Edi Rama.

“Mirënjohëse dhe falënderuese Edi Ramës për besimin që më ka dhënë, detyrat që më ka besuar e shansin e jashtëzakonshëm për të vënë një gurë në realizimin e vizionit të tij, por mbi të gjitha i jam mirënjohëse për frymëzimin që përcjell tek ne të gjithë”, shkruan Balluku.

Falenderimi për punonjësit e Ministrisë së Infrastrukturës dhe Energjisë

“Ju falenderoj të gjithëve nga zemra për mbështetjen dhe dashurinë që nuk ma kurseni në ditët me diell e ato pa dritë! Jam e nderuar e krenare për rrugëtimin që bëmë së bashku, për punën e sakrificat që ndamë, e mbi të gjitha për rezultatet e pakontestueshme. Nuk ka asgjë më shpërblyese se mijëra mesazhet që kam marr sot, asgjë më shpërblyese se sytë e përlotur të kolegëve, me të cilët kam ndarë ëndrrën e madhe për ndërtimin e Shqipërisë europiane. Gjuha kocka nuk ka e kocka thyen, fjalët lënë plagë e vraga, por në fund ato i merr era. Ajo ç’ka mbetet, janë punët e ajo ç’ka nuk thyejnë e fshijnë fjalët, janë veprat”, shkruan ajo.