Balona kontrabandiste, Lituania mund të mbyllë sërisht kufirin me Bjellorusinë

Lituania mund ta mbyllë përsëri kufirin me Bjellorusinë, pasi një rigjallërim i kontrabandës së cigareve me anë të balonave ndërpreu fluturimet dhe u përhap në Letoninë fqinje, paralajmëroi kryeministrja, Inga Rugienenë.

Sipas saj, pati shenja pozitive nga ana tjetër e kufirit, pas rihapjes së kalimeve, por kur situata ndryshon, Lituania ka të drejtën dhe mundësinë të shqyrtojmë masa të tjera më të rrepta.

“Duhet të mblidhemi dhe të diskutojmë të gjitha veprimet që po ndërmarrim. Mund ta mbyllim kufirin dhe do të merret një vendim nëse situata nuk përmirësohet”, shtoi ajo.

Rugienenë tha se mundësia e rivendosjes së kufizimeve kufitare do të diskutohet me ministrat dhe zyrtarët e lartë të sigurisë në një takim të Komisionit të Sigurisë Kombëtare.

Paralajmërimi erdhi pas një sërë incidentesh që ndërprenë operacionet e aeroportit të Vilniusit disa herë. Dhjetëra fluturime u anuluan, të tjera u vonuan dhe shumë u devijuan në aeroporte të tjera. Aeroporti u mbyll përkohësisht të enjten e kaluar, të njëjtën ditë kur kufiri u rihap pas një mbylljeje të mëparshme.

Sipas kreut të Qendrës Kombëtare të Menaxhimit të Krizave, Vilmantas Vitkauskas, Lituania u përball me sulmin më masiv të balonave meteorologjike që transportonin mallra kontrabandë në nëntor.

Kryeministrja tha se mbyllja fillestare e kufirit kishte dhënë rezultate pozitive, duke çuar në një ulje të ndjeshme të incidenteve me tullumbace. Në përgjigje të mbylljes së kufirit nga Lituania, Minsk bllokoi kamionët lituanezë që të largoheshin nga Bjellorusia, duke lënë shumë të bllokuar.

“Balonat kontrabandë po fluturojnë dhe ndoshta do të vazhdojnë të fluturojnë. Mbyllja e kufirit ka treguar një gjë, kishim të drejtë ta vlerësonim këtë si një sulm hibrid”, tha Rugienenë.

LEXONI GJITHASHTU:

• Lituania rihap dy pika kyç kufitare me Bjellorusinë pas mbylljes disa javore
• Lituania hap kufirin me Bjellorusinë pas mbylljes 22-ditore