Bananja “6 milionë dollarëshe” konsumohet për herë të dytë në galerinë franceze
Bananja e ngjitur në mur me ngjitës, pjesë e veprës së famshme të artistit italian Maurizio Cattelan, e titulluar “Komediani”, u konsumua për herë të dytë nga një vizitor në një muze në Francë.
Vlera e kësaj vepre arrin në 6 milionë dollarë ndërsa ngjarja ndodhi më 12 korrik në galerinë Centre-Pompidou Metz, në lindje të Francës, ku vizitori konsumoi bananen, ndërsa ekipi i sigurisë veproi shpejt duke rikthyer veprën në vend vetëm disa minuta më vonë.
Bananja është një element i prishshëm i veprës, i cili zëvendësohet rregullisht sipas udhëzimeve të artistit.
Galeria njoftoi se artisti ishte i zhgënjyer nga veprimi i vizitorit ndërsa kjo nuk është hera e parë që kjo banane bëhet objekt i këtij veprimi.
Në vitin 2019, në panairin Art Basel Miami në Florida, amerikan David Datuna e shkuli bananen nga muri, e qëroi dhe e hëngri para qindra vizitorëve, duke krijuar një moment viral në botën e artit.
Atëherë, vepra u shit me një banane zëvendësuese për 120 mijë dollarë.
Në nëntor 2024, koleksionisti kinez Justin Sun e bleu “Komediani” në ankand për 6.24 milionë dollarë, përpara se të hante vetë bananen.
Galeria Centre-Pompidou në Metz e cilëson këtë vepër si “ndoshta veprën e artit më të ngrënë të 30 viteve të fundit.”

LEXONI GJITHASHTU:
Gjermania prezanton paketën e reformave, ulje taksash dhe ndryshime në pensione e tregun e punës
Plani i Rritjes për Ballkanin Perëndimor, KE: Afat deri më 15 korrik për raportimin
Zbulohet një rrjet ndërkombëtar që drogonin dhe abuzonin me disa gra, 8 të arrestuar në Britani
- 22:39 Rama shpërndan deklaratën e avokatit: Një hap konstruktiv, nuk kemi kohë të humbim me BE-në! Protesta duhet të dialogojë me qeverinë
- 22:37 ‘Peshkaqenët blu’ të Botërorit, pse Kepi i Gjelbër është surpriza më e bukur e eventit?
- 22:33 Statistika: Jo vetëm cilësi, por edhe sasi, Olise është lojtari që ka përshkuar më shumë kilometra në ekipin e Francës
- 22:25 Gjermania prezanton paketën e reformave, ulje taksash dhe ndryshime në pensione e tregun e punës
- 22:21 Shtetësia nga lindja në SHBA, ekspertët: Trump mund të “shpërfillë” vendimin e Gjykatës
- 22:17 Droni rus përplaset në pishinën e mbyllur në Zaporizhia, katër të plagosur (VIDEO)