Barcelona i mbyll derën Messit, Laporta: Nuk do të ketë huazim

Lionel Messi nuk do të rikthehet te Barcelona në formë huazimi.

Ky është vendimi i marrë nga skuadra katalanase, i konfirmuar edhe nga presidenti Joan Laporta.

Në një përgjigje dhënë për mediat, numri një i klubit deklaroi se një rikthim i tillë është një skenar i pamundur.

“Në respekt të Messit, lojtarëve dhe anëtarëve tanë, nuk është koha për të spekuluar me skenarë jorealistë”, – deklaroi Laporta.

Pas kësaj përgjigjeje, ylli argjentinas duhet të gjejë një tjetër skuadër ku të aktivizohet, për t’u përgatitur në kuadër të Kampionatit Botëror të vitit të ardhshëm.