Katalanasit u mposhtën minimalisht nga Sociedad, ndërsa triumfoi Atletico. Pas 7 fitoreve radhazi në kampionat dhe Champions League, Barcelona ka hedhur një hap fals, duke u mposhtur në transfertën e Sociedadit. Të besuarit e Hansi Flick u ndëshkuan nga një gol i Becker në minutën e 33’, teksa më herët iu anullua një gol nga Leëandoëskin, i cili ishte në pozicion të parregullt. Fraksioni i dytë tregoi miqtë më kërkues, por ata e patën të pamundur të reagojnë, duke pësuar kështu humbjen e dytë sezonale në La Liga.
Pavarësisht këtij rezultati, katalanasit qëndrojnë në krye të klasifikimit, 6 pikë para Realit të vendit të dytë. Të dielën fitore regjistruan Atletico e Madridit dhe Girona. El Colchoneros u mjaftuan me një gol të Alvarez në transfertën e Majorkas, në një lojë të luajtur më mirë nga kundërshtari. Kjo ishte fitorja e tretë për Atleticon në 5 javët e fundit, ndërsa ata renditen në vendin e tretë me 26 pikë.
Girona po ashtu mori një fitore me shumë vlerë ndaj Getafes, ku vendosi goli i Herrerës në fundin e fraksionit të parë. Sa i përket dueleve Betis-Celta Vigo dhe Valladolid-Bilbao, nuk pati fitues, përkatësisht 2-2 dhe 1-1.
- Polemika dhe hije dyshimi mbi mungesën e Mbappé në kombëtaren franceze
- Mbappe dyshohet për përdhunimin e një gruaje, Real Madrid mban mbledhje urgjente
