Polemika dhe hije dyshimi mbi mungesën e Mbappé në kombëtaren franceze

Mungesa e Mbappé në listën e Francës në prag të ndeshjeve të Ligës së Kombeve ishte një lajm më vete në shtypin europian, ku janë ngritur një sërë pikëpyetjesh mbi rastin në fjalë. Sulmuesi i Realit të Madridit, çuditërisht nuk u ftua nga Deschamps, pavarësisht se luan si titullar me galaktikët, por trajneri 56-vjeçar e cilësoi si një vendim personal dhe jo në lidhje me çka ndodh jashtë fushës.

“Mosgrumbullimi i Mbappé-s është një zgjedhje e imja, nuk ka të bëjë me gjëra që nuk lidhen me sportin, për sa kohë ai prezumohet i pafajshëm”. Pavarësisht kësaj deklarate, ka dyshime se vendimi i marrë ndaj Mbappé është për faktin se ai vijon të jetë nën hetim për përdhunim në Suedi, që të jep idenë se kemi të bëjmë me një përsëritje të rastit Benzema. Me të njëjtin trajner, fituesi i Topit të Artë, që aktivizohet tek Al Ittihad, nuk u ftua më në kombëtare, pas skandalit seksual ku i përfshirë ishte dhe shoku i tij i ekipit Valbuena.

Në mungesë të Mbappé, Deschamps në listën e publikuar thirri 6 sulmues: Barcola, Kolo Muani, Olise, Thuram, Nkunku dhe Dembélé.

• Mbappe dyshohet se është futbollisti që përdhunoi gruan në hotelin në Stockholm
• Mbappe dyshohet për përdhunimin e një gruaje, Real Madrid mban mbledhje urgjente