Barcelona rikthehet në Europa League, Interi fiton me goleadë ndaj Plzenit

Bayerni dhe Interi janë dy skuadrat e kualifikuara më tej në Uefa Champions League në grupin C.

Barcelona tashmë për të dytin vit radhazi do të jetë në Europa League. Bavarezët e udhëhequr nga Julian Nagelsman nuk e patën aspak të vështirë t’i jepnin shkelmin e fundit katalanasve, me këta të fundit të cilët regjistruan një tjetër bilanc negative, asnjë goditje në portë. Inter mposhti Plzenin 4-0 dhe blindoi vendin e dytë.

Në grupin A, Napoli nuk e diskutoi fitoren ndaj Rejnxhërsit, teksa edhe Liverpuli fitoi në Amsterdam ndaj Ajaksit 0-3. Napoletanët nuk kanë asnjë humbje në kompeticion, ndërsa ndeshjen e fundit përballen me Liverpulin.

Klab Bryzh dhe Porto janë dy skuadrat e radhës që kanë siguruar një biletë për në raundin me eleminim direkt. Belgët u mposhtën nga Porto në shtëpi me rezultatin e thellë 0-4, ndërkohë qëndrojnë në vendin e parë me 10 pikë.

Atletiko Madrid dhe Leverkusen do të luftojnë për një vend në Europa Lig. Barazimi me Sportingun ka shtyrë festën e Totenhemit, i cili do të pres dhe ndeshjen e fundit ndaj Marsejës për të konfirmuar kualifikimin.

Në grupin D, gjithçka vendoset në ndeshjen e fundit, pasi asnjëra prej klubeve nuk ka garantuar kualifikimin apo të eleminuarat.

LEXONI GJITHASHTU

• Barcelona jashtë Champions League, mposhtet sërish nga Bayern Munchen
• Juventus jashtë Champions League, Milan mban të hapur kualifikimin
• ‘Bombë’ nga Premier League, Ronaldo kërkon rikthimin