“Barcelonagate”, ish-kryeministri bullgar heq dorë nga imuniteti i deputetit

Presidenti i GERB (Qytetarët për Zhvillimin Evropian të Bullgarisë), ish-kryeministri bullgar Bojko Borisov njoftoi sot heqjen e imunitetit të tij parlamentar.

“Kam biseduar me anëtarët e grupit parlamentar GERB. Do të heq imunitetin tim, përkundër asaj që bëri ish-prokurori i shtetit kundër meje”, tha Borisov në parlament, megjithëse më parë tha se “refuzon kategorikisht” heqjen e imunitetit të tij.

Ai shtoi se ka besim në gjykatën dhe prokurorinë bullgare, transmeton Radio Bullgaria.

Prokuroria e qytetit në Sofje më parë i ka propozuar Prokurorit të Shtetit që të kërkojë heqjen e imunitetit parlamentar të Borisovit për shkak të çështjes “Barcelonagate”.

Bëhet fjalë për një aferë në të cilën ish-kryeministri është nën hetim prej tre vitesh dhe sipas prokurorit janë mbledhur prova se Borisov ka pastruar para duke u dhënë të tretëve para të fituara në mënyrë të paligjshme për blerjen e pasurive të paluajtshme jashtë vendit.

LEXONI GJITHASHTU:

• Dështoi në luftën kundër korrupsionit, Bullgaria shkarkon kryeprokurorin
• Bullgaria mesazh Shqipërisë për integrimin: Duhet të ndahet nga Maqedonia e Veriut