Bullgaria mesazh Shqipërisë për integrimin: Duhet të ndahet nga Maqedonia e Veriut

Në Bullgari është rikthyer sërish në diskutim çështja e procesit të integrimit të Shqipërisë në Bashkimin Europian.

Zëvendëspresidentja Iliana Lotova ka kërkuar ndarjen e vendit tonë nga Maqedonia e Veriut, pasi vendi fqinj do ta ketë të vështirë përparimin në këtë proces për shkak të refuzimit për të njohur pakicën bullgare.

“Bullgaria nuk ka asnjë pretendim ndaj Shqipërisë”, deklaroi zyrtarja e lartë bullgare, duke shtuar Tirana duhet të vijojë procesin e ndarë nga Shkupi.

Për dy vite me radhë Shqipëria u bllokua në rrugën drejt anëtarësimit në Bashkimin Europian për shkak të vetos që Bullgaria vendosi ndaj Maqedonisë së Veriut. Dy shtet kanë çështje të hapura të identitetit, gjuhës dhe historisë.

LEXONI GJITHASHTU:

• Bullgaria ndalon grurin ukrainas. Shkak, stoqet vendase të drithërave
• Bullgaria ndalon përkohësisht importin e mbi 20 produkteve ukrainase