Barrot: “Autonomia strategjike” e Evropës përgjigjja ndaj doktrinës Trump

Evropa duhet të “përshpejtojë” drejt “autonomisë strategjike” për t’iu përgjigjur doktrinës së re mbrojtëse të administratës amerikane të Presidentit Donald Trump, e cila i jep përparësi çështjeve të kontinentit amerikan dhe kritikon një Evropë që, siç pretendon ai është në rënie, tha sot Ministri i Jashtëm francez Jean-Noel Barrot.

Publikimi i Strategjisë së Sigurisë Kombëtare të SHBA-së të premten e kaluar është ” një moment sqarimi dhe e vërtete që na bën thirrje të qëndrojmë në rrugën e duhur dhe të përshpejtojmë”, sepse “e justifikon Francën “, e cila “i ka kërkuar Evropës të arrijë autonomi strategjike që nga viti 2017”, theksoi Barrot, duke folur në Asamblenë Kombëtare.

Administrata Trump publikoi të premten një dokument që përshkruan Strategjinë e saj të re të Sigurisë Kombëtare, e cila parashikon, ndër të tjera, se Evropa po shkon drejt “asgjësimit kulturor” nëse nuk lufton “imigracionin masiv”. “Nëse trendet aktuale vazhdojnë, kontinenti (evropian) do të jetë i panjohur brenda 20 vjetësh ose më pak”, thuhet në tekst.

Me tone të ngjashme, Presidenti i SHBA-së Donald Trump, me karakterizime të ashpra në një intervistë për Politico dje, tha se “shumica e kombeve evropiane (…) po shemben” për shkak të disa udhëheqësve “budallenj” dhe një politike imigracioni me “korrektësi politike” të tepruar.

LEXONI GJITHASHTU:

• Masat e Trump, shoferët e kamionëve ndalohen nëse nuk kalojnë një test anglishteje
• Zelensky i përgjigjet Trumpit: Zgjedhjet në Ukrainë do të zhvillohen me një kusht