Basha çon në Kuvend pr.ligjin për vetingun e politikanëve: Deputetët ta votojnë

Kreu i PD Lulzim Basha bëri me dije se ka depozituar sot në Kuvend pr.ligjin për vetingun e politikanëve.

Përmes një videomesazhi në faqen e vet në Facebook Basha shprehet se pr.ligji i hartuar nga juristët me të mirë në PD mundëson që të kontrollojë pasurinë e çdo politikani dhe si dhe lidhjet e papërshtatshme apo mundësinë e bashkëpunimit të një politikani me krimin e organizuar.

“Duhet që politikanët shqiptarë t’i nënshtrohen të njëjtit kontroll si magjistratët, por edhe punonjësit e gardës dhe policisë. Nuk ka më asnjë alibi, çdo deputet duhet të shprehet përmes votës së tij për ligjin e vetingut të politikanëve. Duhet t’i tregojmë shqiptarëve cilët janë politikanët e korruptuar, të lidhur me krimin dhe për t’i dhënë shqiptarëve një politikë të pastër”, tha Basha mes të tjerash.